نكت جامدة طحن

]قائد جيش بيقول لجنوده ... العدو من امامنا ومن خلفنا وعلى يميننا وعلى يسارنا ... يبقى مش هيفلت مننا المره دى

واحد بخيل ابنه نجح جاب له مكنة خياطة عشان يشتغل فى الاجازة

واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز

مره استاذ بيقول للناظر..... الطلبه بينطوا من على السور..... الناظر قال له : هدوه

واحد مسطول ماشى فى بيتهم خبط فى امه.. راحت قالت له:انت اعمى؟؟ مش شايفنى؟؟ بص لها بمنتهى الهدوء وقال:لأ ... انا شفتك طبعآ بس مش فاكر فين؟؟

دكتور بيطرى بيتقدم لخطبة فتاة ..... سألوه : انت دكتور معروف ؟؟؟ رد: طبعا ، ده مافيش حمار فى البد مايعرفنيش

مره واحد عنده جموسه حرقها عشان ينزل اللبن مغلي

مرة شرطي مرور مسك واحدبيعمل امركانى بالعربية .. وقاله ادفع مخالفة 50 جنيه ... رد السواق وقال :ماعيش إلا ورقة بــ 100 جنيه ..... قال له شرطي المرور خلاص روح اعمل أمريكانى بــ 50 جنيه تانيه ..وارجع

واحد غبى شاف قشرة موزه على الأرض فقال يييه هاتزحلق تانى

مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام

مسطول بيقول لزميله ... عود الكبريت ده مش راضى يولّع .. الثانى راح قال له: غريبة مع انى لسه مولعه من شويه

استاذ سال تلميذ الثعلب بيولد ولا بيبيض قاله ده مكار اتوقع منه اي حاجه

واحده راحت كشك تتكلم فى التليفون ، بقالها ساعه بتحاول تتكلم فسالت صاحب الكشك ... لما التليفون يدينى : توت توت ...يبقى ايه ده؟ رد عليها وقال يبقى فى قطر معدى من قدام التليفون

نكتك حلوة اوى يا حسن فعلا جامدة وياريت تجيب نكت تانية زيها